Үйлчилгээний ерөнхий нөхцөл

1. Үйлчилгээний зорилго

Portify.cv нь хэрэглэгчдэд өөрийн мэргэжлийн CV, портфолио болон танилцуулгыг бэлэн загварууд ашиглан дижитал хэлбэрээр үүсгэх, хадгалах, бусдад хуваалцах боломжийг олгодог онлайн платформ юм.

2. Хэрэглэгчийн бүртгэл ба Аюулгүй байдал

• Бүртгэл: Хэрэглэгч үйлчилгээг ашиглахын тулд үнэн зөв мэдээлэл өгч бүртгүүлэх үүрэгтэй.
• Нууцлал: Хэрэглэгч өөрийн нэвтрэх нэр, нууц үгний нууцлалыг биеэр хариуцна. Таны бүртгэлээр дамжин хийгдсэн бүх үйлдлийг таны өмнөөс хийгдсэнд тооцно.
• Эрх хасах: Хэрэв та хуурамч мэдээлэл оруулсан эсвэл бусдын нэрийг ашигласан нь тогтоогдвол Portify.cv таны бүртгэлийг урьдчилан сануулахгүйгээр устгах эрхтэй.

3. Мэдээллийн агуулга ба Хариуцлага

• Үнэн зөв байдал: Хэрэглэгчийн үүсгэсэн CV доторх мэдээлэл, туршлага, боловсролын түүхийн үнэн зөв байдалд Portify.cv ямар нэгэн хариуцлага хүлээхгүй. Энэ нь зөвхөн хэрэглэгчийн хариуцлага байна.
• Гуравдагч тал: Хэрэглэгч өөрийн CV-г олон нийтэд нээлттэй болгосон эсвэл линкээр хуваалцсан тохиолдолд тухайн мэдээллийг гуравдагч тал (ажил олгогч, хайлтын систем г.м) ашиглах эрсдэлийг хэрэглэгч өөрөө хариуцна.

4. Төлбөр ба Промо код

• Төлбөрт үйлчилгээ: Манай платформ зарим нэмэлт загвар, функцүүдийг төлбөртэй (subscription) хэлбэрээр санал болгодог.
• Промо код: Промо код ашиглаж хөнгөлөлт авахдаа кодыг зөв оруулсан эсэхээ шалгах үүрэгтэй. Нэгэнт баталгаажсан төлбөр болон ашигласан кодыг буцаах боломжгүй.
• Буцаан олголт: Дижитал үйлчилгээний онцлогоос шалтгаалан, үйлчилгээг ашиглах боломж нээгдсэнээс хойш төлбөрийг буцаан олгохгүй.

5. Оюуны өмч ба Хэрэглээний эрх

• Дизайн ба Загвар: Portify.cv платформ дээрх CV-ний дизайн болон бүтцийг хэрэглэгч өөрийн хувийн хэрэгцээнд (ажилд орох, танилцуулга хийх г.м) зориулан чөлөөтэй хуулбарлах, ашиглах, хэвлэх боломжтой. Бид дизайны ашиглалтад ямар нэгэн хязгаарлалт тавихгүй.
• Брэнд ба Таних тэмдэг: Платформын нэр ("Portify.cv", "Portify"), компанийн нэр ("Lean Growth Hub", "LGH"), болон тэдгээрийн албан ёсны лого, таних тэмдгүүдийг Lean Growth Hub-ийн бичгээр өгсөн зөвшөөрөлгүйгээр арилжааны зорилгоор ашиглах, өөр вэбсайт болон бүтээгдэхүүнд нэрлэх, хуулбарлахыг хатуу хориглоно.
• Программ хангамж: Платформын эх код, систем болон өгөгдлийн сан нь Lean Growth Hub-ийн өмч бөгөөд тэдгээрийг зөвшөөрөлгүйгээр олж авах, өөр системд хуулбарлан байршуулахыг хориглоно.

6. Хариуцлагаас чөлөөлөх нөхцөл

• Системийн саатал: Техникийн шинэчлэл, серверийн алдаа эсвэл давагдашгүй хүчин зүйлийн улмаас сайт түр хугацаанд ажиллахгүй байхад үүссэн хохирлыг Бид хариуцахгүй.
• Мэдээлэл устгах: Хэрэглэгч өөрийн мэдээллээ тогтмол нөөцөлж (PDF-ээр татаж авах г.м) байхыг зөвлөж байна. Системийн гэнэтийн алдаанаас болж мэдээлэл устсан тохиолдолд манай тал нөхөн төлбөр төлөхгүй.

7. Нөхцөлд өөрчлөлт оруулах

Бид энэхүү үйлчилгээний нөхцөлийг хэдийд ч өөрчлөх эрхтэй. Өөрчлөлт оруулсан тохиолдолд сайтад нийтэлж, "Сүүлд шинэчилсэн огноо"-г шинэчлэх болно. Үргэлжлүүлэн ашигласнаар та шинэчлэгдсэн нөхцөлийг хүлээн зөвшөөрсөнд тооцогдоно.